Ediciones Trabe va ser la encargada d’espublizar la obra “Los cuartos propios de la lliteratura asturiana: una conversación colectiva” que en 2023 llevó’l I Premiu Yolanda Huergo. La segunda edición d’esti premiu ta abierta agora mesmu a la recepción de trabayos hasta’l 1 de xunetu de 2025.
El Premiu Yolanda Huergo, arriendes de la dotación económica de 1.500 €, tamién lleva l’afalagamientu de la espublización de la obra. Nesti casu Ediciones Trabe va ser la encargada de llevar a les llibreríes esti trabayu d’investigación qu’afonda nel estudiu de la lliteratura n’asturianu fecha por muyeres y realizáu por Inaciu Galán.
Ún de los oxetivos principales de l’asociación “Grana, n’Alcordanza de Yolanda Huergo” ye afalar el debate, l’intercambiu d’idees y la creación de conocimientu n’Asturies. Por too ello, Grana vuelve a convocar esti premiu na so segunda edición, que quier reconocer trabayos d’investigación de cualesquier estaya de conocimientu y llínia d’estudiu fechos o traducíos al asturianu.
Pa conocer les bases puedes facelo na mesma web de l’asociación.