En Grana queremos contribuyir a valorar más y meyor ún de los nuestros productos más importantes ya icónicos, la sidra natural. Pa eso vamos facer un cursu básicu pa deprender a valorar los aspectos y variantes del sabor de la sidra.
Va casi un añu la UNESCO declaró la Cultura Sidrera Asturiana como Patrimoniu Cultural Inmaterial de la Humanidá. Creyemos qu’esta declaración ye un recocimientu que vien con un recáu de responsabilidá que tien d’empobinanos hacia cuidar y valorar lo que tenemos. Poro, entamamos esta sesión na que vamos deprender los aspectos más importante del sabor de la sidra y cómo reconocer distintas característiques na mesma.
Pa la sesión vamos contar cola collaboración de Juan Luis García, Xefe d’Estudios Escuela d’Hostelería de Xixón, persona que lleva bien d’años trabayando nel mundu de la sidra y trabayando pola reconociencia de la figura del escanciador.
La sesión de dos hores va ser el prósimu 24 de payares na sidrería El Centenario de Xixón a les 18:30 hores. Ye imprescindible la inscripción previa, ya que les places son llimitaes y tienen prioridá les persones socies y collaboradores de Grana.
L’actividá ye de baldre pa les socies y socios, 5 € pa collaboradores y 10 € pa non asociaos. P’apuntate namás tienes que rellenar esti formulariu.