El sábadu 18 d’abril vamos facer una salida al monte acompañaos del hestoriador y escritor Pablo Batalla. A lo llargo de la ruta vamos poder poder tener una charra con él sobre ún de los sos últimos llibros, «La bandera en la cumbre. Una historia política del montañismo».
Nesti llibru l’autor desplica como les distintes ideoloxíes de la hestoria política moderna alcontraron na montaña una forma d’espresión y revindicación, poro paeciónos bona idea comentar con él esti llibru en varies paraes a lo llargo d’una ruta, y facelo per El Mazucu, que n’Asturies tiene un simbolismu políticu evidente. La ruta en sí ye cenciella, pensada pa persones que nun tienen que tener un nivel altu montañeru. Va dende l’Altu la Tornería hasta’l Monumentu de la Batalla del Mazucu. Podéis ver un perfil de la mesma equí, pero son solo 7,71 Km y 395 m. de desnivel.
La ruta ye’l sábadu 18 d’abril con salida a les 10:30 hores del Altu de la Tornería. Como siempre nestes actividaes ye obligatorio apuntase y tienen prioridá de plaza les socies y collaboraores de Grana. L’actividá ye de baldre.