El sábadu 22 de setiembre presentóse na Casa Conceyu de Xixón l’asociación Grana, n’Alcordanza de Yolanda Huergo.
Los portavoces de los grupos municipales del Conceyu de Xixón, colos que Yolanda compartió bancada nel tiempu que foi conceyal, asistieron a la presentación de l’asociación na sala de prensa del consistiriu.
Na presentación la presidenta de l’asociación, Iris Díaz, el secretariu Pablo Rodríguez y Rubén Ardura como ayalgueru, desplicaron l’orixe y oxetivos de l’asociación, principalmente inspirase en Yolanda Huergo pa crear espacios de debate, intercambiu d’ideees dende una perspectuva asturiana.
Pa ello, Grana tiene como dos primeres xeres p’arrancar, entamar unes xornaes cada dos años sobre un tema que seya de relevancia pa la sociedá asturiana, y per otru, convocar el Premiu Yolanda Huergo pa reconcoer trabayaos d’investigación fechos n’asturianu.
La primera de les xeres yá taba en marcha y Pablo Rodríguez pudo dar detalle de les xornaes “Sobre(vivir) n’Asturies. Presente y futuru del territoriu y la so población”, que se desarrollaron nel mes de payares nel Antiguu Institutu de Xixón.