El pasáu 24 de setiembre presentóse de manera pública l’asociación Grana, n’Alcordanza de Yolanda Huergo. Un grupu de collacies y collacios presentaron na sala de prensa del Ayuntamientu de Xixón el por qué d’esta asociación y lo sos oxetivos.
Grana quier facer alcordanza de Yolanda Huergo al traviés de dalgo que facía ella mui bien, dar y aportar. Esti grupu de persones d’ámbitos diferentes alcuentra en Yolanda Huergo un puntu d’alcuentru pa entamar un espaciu de debate, de creación y de reconocimientu. Entamaránse xornaes y crearase’l Premiu Yolanda Huergo, cola vista puesta n’Asturies y tolo qu’afecta al país y los que viven nél.
Si quies saber más sobre qué inspira la creación d’esta asociación puedes ver la sección d’esta web ¿Por qué Grana? Si quies conocer más de la vida de Yolanda Huergo puedes facelo equí. Y si quies información de cómo sofitar a la entidá ties información equí.