Entamamos la mesa redonda
Cómo pensamos Asturies, qué pallabres, qué valores lleven operando alrededor de la idea d’Asturies a lo llargo de la historia, y quién y por qué los punxo ehí. Con motivu de la publicación del llibru “Nunca Vencida. Una historia de la idea d’Asturies”, escritu pol filólogu David Guardado Diez, “Grana, n’Alcordanza de Yolanda Huergo” y la “Sociedad Cultural Gijonesa” entamamos una mesa redonda pa debatir y reflexionar sobre ello a la que-y punximos el títulu de «La Idea d’Asturies: pasáu, presente y futuru». Na mesa redonda tarán el propiu autor del llibru amás de Jose Luís Carmona García, Profesor d’Historia Moderna y Contemporánea UNED Asturies y Margarita Fernández Mier, Caderalga d’Historia Medieval na Universidá d’Uviéu. Moderará la mesa la presidenta de Grana, Iris Díaz Trancho.
La mesa va tener llugar el prósimu 14 de xunu a les 19:00 na segunda planta de la Escuela de Comercio de Xixón, asitiada na cai Tomás y Valiente 1.