Echamos un gabitu pa qu’esta muyer y la so memoria tuviera el so espaciu en Xixón. Esti ye’l testu que mandamos de sofitu:
«La memoría d’una ciudá y d’un país fórmase con too aquello de lo que nos alcordamos, pero tamién con aquello que nun tenemos d’escaecer. Cuando valores como la concordia, la tolerancia, la necesidá de diálogu y la defensa de la democracia y la llibertá adornen la vida d’una persona, estes conviértense en referentes necesarios a los que nun podemos namás que dar les gracies. Poner el nome d’Ángeles Flórez Peón, Maricuela, a dalgún espaciu de la ciudá fae a Xixón agradecida, xusta cola so memoria individual y colectiva amás de consciente de que los valores nos que sofitó Maricuela la so vida tienen que tar, siempre, presentes. Esti tipu de persones que tenemos o tuvimos la suerte de tener al llau faennos meyores y ye xusto reconocelo.»