N'alcordanza de Yolanda Huergo
Na grana azul del futuru y la flor de l’alcordanza
Noticies
Tola actualidá de Grana
Echamos una mano pa parar la discriminación del asturianu en Xixón.
Punximos el nuestru granín d'arena pa que l'amenaza de discriminación a la cultura y llingua asturiana nun se materializara na programación cultural xixonesa. Muncho queda por facer, pero nun queríamos entamar tan p'atrás en derechos y nel tiempu. Podéis ver más...
Posponemos pal 25 de mayu la ruta «Los fayeos de Mayo»
Por mor del mal tiempu que s'albidra pa esti sábadu, posponemos la ruta pal prósimu 25 de mayu, una fecha mui guapa p'andar y esfrutar d'esti país. El plan de ruta sedrá'l mesmu y les y los que yá tais apuntaos dásevos por apuntaos pal 25 y como queda dalguna plaza...
Vamos dar un paséu per «Los Fayeos de Mayo»
El prósimu 18 de mayu pela mañana vamos facer una ruta pel monte que naz inspirada por esti cantar de Felpeyu, «Los Fayeos de Mayo». Queremos facer una ruta cenciella, pero que nesta época del añu tien munchu encantu, la Viescona del cordal del...
Yolanda Huergo
L’alcordanza de Yolanda Huergo, incansable miltante poles causes más xustes, tresformase n’inspiración que llevó a la creación d’esta asociación, Grana, n’Alcordanza de Yolanda Huergo. Nació col oxetivu de sirvir d’espaciu d’alcuentru y debate al traviés de la organización de xornaes, meses redondes, charres y toles formes posibles d’intercambiu d’idees y propuestes. Arriendes d’esto, la’sociación tamién creó’l Premiu Yolanda Huergo, col envís de premiar la investigación n’Asturies y n’asturianu, premiar el conocimientu que se crea n’Asturies.
Contactu
Si quies contactar con Grana, pues facelo dende esti formulariu. Vamos respondete namás que nos sía posible.